Logos orixinais de compañías tecnolóxicas

Agora que estamos no verán e semella que temos tempo para todo, aínda que non sempre sexa así, os rapaces de Gizmodo decidiron facer un pequeno traballo de campo recopilando información e imaxes sobre os primeiros logos de moitas da compañías que hoxe en día dominan o mercado ou teñen unha presenza significativa nel.

Como vedes o glamour que presentan moitas delas agora pouco ten que ver con esa imaxe que proxectaban nos seus comezos, algunhas como Canon, Apple, Nintendo ou Nokia parecía que non tiñan moi claro o seu mercado pois semellaba que se adicaban a vender outros produtos. Ademais das que tedes sobre estas liñas podedes atopar moitos máis logos no propio artigo de Gizmodo.