Filmography, todas as películas do ano nun só curto

Cada ano centos de películas ven a luz en todo o planeta, películas que as veces marcan un ano e que outras o deixan tal e como estaban, filmes que nos enamoran e outros que nos deixan tan insensibles como ao principio, algo que xa saberán os cinéfilos que sigan este blog. Así que para axudarnos un pouco a poder botar unha rápida e moi entretida ollada a todo o que ocurríu nun ano filmográfico o usuarios de Youtube e Twitter genrocks decidiu crear un curto onde a base de moitas horas, xunta en moi poucos minutos e cunha música perfecta centos de películas que se estrean na gran pantalla todos os anos.

Sobre estas liñas tedes a versión de Filmography do 2010, a súa primeira creación, da que podedes atopar as 270 películas que aparecen polo seu orde nun blog que o autor ten espacialmente adicado a iso.

Como soe pasar na súa segunda obra, Filmography 2011, nótase un traballo aínda mellor onde introduce 230 novas películas correspondentes a ese ano e que neste caso vese apoiado por un tumblr onde poder pormenorizar en cada un dos filmes que aparecen.

En resumo, unha forma divertida e acompañada de moi boa música de botar unha ollada ao pasado para lembrar eses bos momentos que pasamos no cine.